ERESERKIA
Bergarako Musika Banda (2021-03-21)
Musika: Miguel González Bastida
Hitza: Inazio Eizmendi “Basarri”
Gazte maiteok goazen goitara
galdu gabetan denborik,
beti alai ta beti irripartsu
inon hartu gabe lorik,
gogo bizia daukanarentzat
ez da paltatzen girorik,
gorputzarentzat ez dago ezer
mendia bezelakorik.
Zuen txistu-kantu ederrez
piztu itzazue bazterrak,
mendian jaio zirala pentsa
aurreko guraso zaharrak,
galdezka hasiko baldin balira
artzai ta baserritarrak
bildur gabe esan: “Jaunak, gu gera
Bergarako POL-POLdarrak!”.
